Евроцолъиялъул улкабазул финансазул министраз Брюссалалда гьоркьоб лъолеб букIана Грециялъе финансазул кумек гьабиялъул темаялъул кIалъа-басаял тIоритIиялъул суал.
Данделъиялъул гIахьалчагIаз къимат кьуна Афинабаз цIиял кредитал щвеялъул ва еврозонаялда жибго хутIиялъул хьулалгун хIадур гьабураб «хъачIаб» экономиялъул план.
Реформабазул цIияб планалда рекъон, Грециялъул тIалъиялъ бюджеталдаса хвезабулеб гIарцил къадарги, кредитораз тIалаб гьабухъе, дагьлъизабизе кколеб буго кIудияб даражаялъ.