Бельгиялъул къватIисел ишазул министр Дидье Рейндерсица тасдикъ гьабуна гьатIан къоялда, Брюсселалда бугеб Россиялъул дипломатияб идараялъул финансазул сурсатал хIалтIизариялъул ресал рагьун рукIин. Министрас хьул загьир гьабуна хутIарал гьукъиялги гIагарисеб заманалда нахъе рахъизе рукIиналъул.
19 июналда Москваялъ лъазабун букIана Россиялъул территориялда ругел Бельгиялъул активазде данде тадбирал тIоритIизе рукIиналъул хIакъалъулъ.
17 июналда Бельгиялда ругел Россиялъул идарабазухъе щвезарун рукIана гьезул буголъи, ЮКОС компаниялъул гIарзаялда рекъон, аресталде гъоркье босун букIиналъул хIакъалъулъ лъазаби.