Казахстаналъул президент НурсултIан Назарбаевас иргадулаб нухалъ гьа бана цIивищарав президент хIисабалда. Гьес республикаялъе нухмалъи гьабулеб буго гьале 26 соналда жаниб. АрбагI къоялъ гьес гъулбас лъуна Карим Масимов хIукуматалъул бетIерлъун тIамулеб амруялда гъоркь. Президентасул рищиял Казахстаналда тIоритIана 26 апрелялда.
Назарбаевасе гIоло официалияб баяналда рекъон, гьаркьал кьуна рищарухъабазул 97 проценталъ. Инсанасул ихтиярал цIунулез абулеб буго Казахстаналда Назарбаевасе я дандияв, я оппозиция гьечIин. Гьединал хIаракатчагIазда кьварараб тIадецуй гьабулеб бугин тIалъиялъ.