Украиналда журналист Олесь Бузинал чIвай хех гьабун рагьизе кколин абуна президент Петр порошенкоца. «Сегодня» газетал журналистлъун хIалтIулев вукIарав Бузина чIвана 16 апрелалда Киевалда.
Гьес гIумру гьабулеб гIемертIалаяб минаялъул азбаралда батана гьесул жаназа. Низам цIунулез лъазабухъе, автомобилалдаса кьвагьдон буго такъсирчагIаз Бузинаде.
Живго журналист майданалде дандечIаравлъун вукIана, гьев рикIкIунаан Россиялъул рахъкколевлъун. "Антимайдан» абураб тадбиралдаги гIахьаллъун вуго гьев. Гьеб тадбир гIуцIарав Радаялъул депутат Олег Калашников 15 апрелалда чIвана гьес гIумру гьабулеб минаялда аскIов.