Amnesty International абулеб инсанасул ихтиярал цIунулеб гIуцIиялъ лъазабуна жидеда ратанин Украиналъул машрикъалъул рахъалда сепаратистаз чIвадари гьабиялъе цIиял далилалилан.
Хасго видео ва суратал. Гьездалъун рихьула чIврал укариналъул аскариязул жаназаби. Гьединго ругилан нугIзазул баяналги.
Европаялул ва Централияб Азиялъул суалазул рахъалаъан Amnesty International гIуцIиялъул директор хисулев Денис Кривошеевас ракIалде щвезабуна – асир гьарурал ва лъукъарал асакариязе гIазаб-гIакъуба кьей халкъаздагьоркьосел къануназда рекъон рагъулаб такъсирчилъилъун кколин.
Дагьалъ цебе Россиялъул рагъулав хъулухъчи Арсений Павловас «Kyiv Post» газетаялъе лъазабуна, жинца Украиналъул 15 солдат чIванин.