Цолъарал Штатаз лъикIаб къимат кьолеб буго Ираналъул ядерияб программаялъул къисматалда хурхарал кIалъа-басаязда Россиялъ гьабураб кIудияб хIалтIуе.
Гьедин лъазабуна пресс-конференциялда Пачалихъияб департаменталъул вакиль Мэри Харфица.
«Кинаб кIвар букIараб Цолъарал Штатазе Россиялда цадахъ Тегераналъулгун кIалъа-басаял тIоритIиялда?», абун лъураб суалалъе жаваб кьолаго, Харфица абуна, Цолъарал Штатазулги Россиялъулги цогояб позициялъ кумек гьабунин кIалъа-басаязда икъбал щвезейин.
Пачалихъияб департаменталъул пресс-секретаралъ гьединго лъикIаб къимат кьуна Россиялъул экспертазе. Гьелъ рагIабазда, гьез гьабураб техникияб экспертиза цIакъ пайдаяб букIана.