Азербайджаналъул нухмалъиялъ улкаялдаса нахъе гъуна Human Rights Watch гIуцIиялъул хIалтIухъан, Гуржиялъул гражданав Георгий Гогия. Талат къоялда гьев ккун вукIана Бакуялъул аэропорталда ва гьениса гьев Гуржиялъе нахъе витIун вуго.
Бакуялде Гогия щун вукIун вуго инсанасул ихтиярал цIунулел Расул Джафаровасда ва Интигьам ГIалиевасда хурхараб диваналъул данделъиялде.
Human Rights Watch гIуцIиялъ лъазабулеб буго, Азербайджаналъул рахъалъ киннниги загьир гьабичIин жидер вакил улкаялде виччангутIиялъе багьанайин.
Халкъаздагьоркьосеб инсанасул ихтиярал цIунулеб гIуцIиялъул Европаялъул ва Централияб Азиялъул улкабазул рахъалдаса директор Хью Уильямсоница лъазабуна, лъугьа-бахъараб кколин Азербайджаналъул тIалъиялъ инсанасул ихтияразде гьужум халат бахъинабулеб букIиналъе нугIлъийин.