Цолъарал Штатазул пачалихъияб департаменталъ халкъаздагьоркьосел террористазул сияхIалде восана Россиялъул гражданав ГIалиасхIаб Кебеков. Гьелъул хIакъалъулъ лъазабулеб буго Америкаялъул дипломатияб идараялъ.
ГIалиасхIаб Кебеков ккола Доку ГIумаров хун хадуб «Имарат Кавказин» жибго лъазабураб террористияб гIуцIиялъул лидер.
Риидал Кебековас интернеталда лъуна видео «Имарат Кавказ» «Аль-Каидаялъе» мукIурлъулеб бугин ва хIадураб бугин гьелъул буюриялги интрукциябиги тIуразаризейин.
Цолъарал Штатазул хIукуматалъ кIвар буссинабуна, Дагъистаналъул машгьурав динияв хIаракатчи щайих СагIид-Апанди чIваялъул буюри Кебековас кьун букIиналде.