Цолъарал миллатазул гIуцIиялъул жидерго бакIал тун лъутIизе ккаразул ишазда сверун тIадегIанав комиссарасул идараялъ лъазабуна, 2014 соналда, цебесеб соналде дандеккун, кIиго нухалъ цIикIкIанин церетIолел улкабазде лъутаразул къадар.
Гьединазул къадар бахун буго 86 азарго чиясде ва гьеб кколеб буго ахирисеб 20 сонида жаниб бущунго кIудияб къадар.
1994 соналда гьеб къадар кIудияб букIана Босниялъул рагъалъе гIоло. Жакъайин абуни, гьеб къадар бихьулеб къагIидаялда цIикIкIиналъе гIилла ккола Сириялдаги ГIиракъалдаги унел рагъулал конфликталин, лъазабулеб буго ООНалъул идараялъ.