Пакистаналъул Лахор шагьаралда кIиго килисаялде гьужум гьабун буго 15 марталда. Хун вуго 14 ва лъукъун вуго 70-гIан чи. Гьедин лъазабулеб буго бакIалъул нухмалъиялъ. Лахоралъул генералияв инспектор хисулев ХIайдер Ашрафица лъазабуна халкъалъул кутакаб ццим бахъинабурал гьел терактаздаса хадуб гIаламалъ чIаго вухIанин цо чийин. Гьезул пикруялда, гьесул гIахьаллъи букIун буго гьел терактазулъ. Гьел килисаби рукIун руго цоцаздаса 600 метралъул риккIалъуда. Гьел тIадекIанцIиязул жавабчилъи тIаде босун буго Пакистаналда ругел тIалибаз. Журналистазухъе битIараб электронияб кагътида гьез лъазабун буго кьвагьи гьабунин кIиго живго чIвалесин ва гьединал гьужумал жеги рукIинеги ругин.