Россиялъул пачалихъияб телевидениялъ рихьизаруна президент Владимир Путинил 13 марталда Кремлалда букIараб данделъиялъул абун суратал. Россия-24 каналалъ рихьизаруна Путин ТIадегIанаб диванханаялъул нухмалъулев Вячеслав Лебедевгун данделъиялда.
62 сон барав Путин жамгIияталда вихьун гьечIо 5 марталдаса нахъе. Гьев ун гьечIо Казахстаналде 12-13 марталда тIобитIизе букIараб данделъиялдеги. Гьеб киналъго рижизарулел руго гьев унтун вугин абурал харбал.
Путинил пресс-секретарь Дмитрий Песков чанго нухалда нахъвачIвалел рукIана гьел харбал. 12 марталда гьес абуна Путинил сахлъи букIине кколеб бугин.