ГIиракъалъул хIукуматалъул аскараз Тикрит шагьаралда «Исламияб пачалихъин» жиндаго абулеб экстремистияб къукъа шагьар бакьулъе нахъе къазабун буго. Артиллериялъул ва гьавадул къуватазул кумекалдалъун гьез Тикриталъе гьужум гьабун буго батIи-батIиял рахъаздасан 11 марталда. ГIиракъалъул рагъулазул вакил Моин аль-Кадгьимица CNN каналалъе абун буго 12 марталда Тикриталъул 75 процент хIукуматалъул контролалде тIадбуссинабун бугин ва шагьаралъул хутIараб 25 проценталдаги ИГИЛалъул 150-гIанасев чи гурони гьечIин.