270 милиард долларалъул кредиталъул гIарац нахъе буссинабиялъул болжал халат бахъинабиялъул официалияб хитIаб гьабуна Грециялъул нухмалъиялъ. Улкаялъул хIукуматалда базабун, гьелъул хIакъалъулъ лъазабулеб буго информалатаз.
Еврозонаялъул партнеразда Афинабаз гьарулеб буго цIцIараб заман анлъго моцIалъ халалъизаби. КъотIи-къаялъул мухIканлъиял гьанжеги загьир гьарулел гьечIо.
Цебе Европаялъул централияб банк разилъун букIана Грециялъул банказе хехаб кумек гьабиялъул фондалде тIадеги гIарац кьезе.
ЗахIматаб финансазулгун экономикияб кризисалде ккараб улкаялъе кьурал кредитазул шартIал бигьалъизариялда хурхун тIоритIулел кIалъа-басаязда Европаялъул кредитораздаги Грециялдаги бажарулеб гьечIо гIаммаб пикруялде рачIине.