Берлиналда 65-билеб халкъаздагьоркьосеб кинофестивалалда аслияб шапакъат «Меседил ци» щун буго Ираналдаса режиссер ва диссидент Джафар Панахил «Такси» абулеб фильмалъе. Гьесул фильмал гьукъарал руго Ираналда. 2010 соналда диваналъ гьесие 20 соналъ кино бахъизе гьукъун букIана. «Такси» абулеб ва цоги гьесул фильмал балъго росун руго Ираналдаса къватIире. Панахи живго улкаялдаса къватIиве виччалев гьечIолъиялъ «Таксиялъухъ» шапакъат босун буго гьесул яцалъул ясалъ