Россиялъул ХIинкъигьечIолъи цIуниялъул Шураялъул секретарь Николай Патрушевас рикIкIунеб буго Украиналде ярагъ щвезабиялдалъун Америкаялъ бихьизабизе бугин хIакъикъаталдаги гьеб конфликталъул жиб гIахьаллъулеб букIинин.
Гьеб киналъго Украиналда ахIвал-хIал дагьабги хIалуцинабизеги бугин. Америкаялъе къваригIун бугин пачалихъазда гьоркьосеб конфликталде Россия цIазе ва Украиналда кколеб бугелдаса пайдаги босун, ахирги Россия бикь-бикьизабизеян. Патрушевас гьедин абун буго «Российская газетаялъе» кьураб интервьюялда.