Украиналъул машрикъалъул рахъалда шамат къоялдаса гьатIан къоялде хун вуго аскариязул 13 чи, лъукъун вуго 20-яв. Гьедин лъазабулеб буго улкаялъул хIинкъигьечIолъи цIуниялъул Шураялъул вакил Владимир Полевояс.
Рагъ халат бахъунеб буго Донецкалдаги. Шагьаралда гьатIан къоялъ кьаби щвезабиялъул хIасилалда хун вуго анкьго гIадатияв чи, лъукъун вуго анлъгояв. Гьедин лъазабулеб буго Донецк икълималъул жанисел ишазул министерлъиялъ.
Араб соналъул апрелалдаса нахъе гьеб регионалда халат бахъунеб буго рагъул хIасилалда хун вуго 5000-ялдаса цIикIкIун чи.