Шамат къоялда аза-азар шигIитал рахъун рукIана Пакистаналъул къватIахъе цебесеб къоялъ мажгиталда жаниб, ахирисел баяназда рекъон, 61 чи чIвараб теракталъе протест загьир гьабизе.
Шикарпур шагьаралъул мажгиталда 30 январалда 470 чияс рузман-как балеб заманаялда гьабун букIана гьеб кьвагьи. Гьелъул жавабчилъитIаде босун букIана сунитазул Джундулла абулеб къукъаялъ.
Гьеб теракт ккола 16 декабралда Пешавар шагьаралда тIалибаз школа гъоркьлъалие босаралдаса ва гьенив 151 чи чIваралдаса бищунго кIудияблъун. Гьенир аслияб куцалда чIван рукIана школлъимал.