Украиналъул социалияб политикаялъул министерлъиялъ сияхIалде восун вуго улкаялда жаниб жидерго бакIал тун нахъе ине ккаразул 921 640 чи. Цогиги 600 азарго гIанав чи лъутIун вуго мадугьалил улкабазде.
Цолъарал миллатазул гIуцIиялъул Гуманитариял суалазул координация гьабулеб идараялъул докладалда абулеб буго, гIаммаб къагIидаялда бащдаб миллионалдаса цIикIкIун чияс жидерго бакIал тезе кканин Украиналъул конфликталъе гIолойин.