Жинцаго жибго лъиданиги бачIеб пачалихълъун лъазабураб «Донецкалъул халкъияб республикалъул» лидер Александр Захарченкоца Донецкалъул студенталгун дандчIвалеб мехалда лъазабуна, жидеда ракIалде гьечIин тIокIаб Киевалъулгун рекъел лъазабиялда хурхарал кIалъа-басаязда гIахьаллъизейин. Жал гьанже ине ругин областалъул гIорхъабазде щвезегIанин.
«Дида цогидаб рахъалдаса хIинкъи бихьулеб бугони, дица гьеб хIинкъи тIагIинабизе ккола», ян лъазабун буго Захарченкоца.