Япониялъул гражданал Кендзи Гото Дзёго ва Харуна Юкава жидеца чIвазе ругин гьезухъ 200 миллион доллар кьечIонийин хIинкъаби кьолеб видео лъун буго «Исламияб пачалихъ» абураб радикалиял исламистазул гIуцIиялъ интернеталда.
Гьелда нус кодоб ккурав чIегIераб ретIел ретIарав чияс Япония какулеб буго гьелъ исламистазде данде къеркьолеб Цолъарал Штатаз нухмалъулеб халкъазда гьоркьосеб коалициялъул рахъ кколеб букIин.
Япониялъул министразул кабинеталъул Йошихиде Сугаца Токиоялда тIобитIараб пресс-конференциялда лъазабуна, улкаялъ хадубги рахъ кквезе бугин тероористазде данде тIобитIулеб рагъалъулин ва гьездаса хIинкъун чIезе жидеда ракIалда гьечIин.
Гьанжеялде «Исламияб пачалихъ» гIуцIиялъ чIвана гъоркьлъалие росаразул нус-нус чи.