МахIамад-аварагасде карикатура бахъиялде данде кIудияб митинг тIобитIана итни къоялда Грозныялда.
Акциялда гIахьаллъана аза-азар чи. Чачан Республикаялъул бетIер Къадиров Рамзанил рагIабазда, гьелда гIахьаллъизе кколев вукIана миллион гIанав чи.
Митинг гIуцIарал рухIияб идараялъул нухмалъиялъ лъазабуна, жидеца квешаб къимат кьолин теророризмалъул бокьараб къагIидаялъейин. Гьеб тадбир тIобитIулеб букIиналда бан итни къо чачаналъ лъазабун букIана гIодобкъолъун.
Шамат къоялда гьединабго митинг тIобитIана Гъалгъазул республикаялдаги. Гьелда гIахьаллъарав 20 азаргогIанав чияс квешаб къимат кьуна Франциялда рахъарал карикатурабазе ва гьел информалатаз рахъиялъе.
7 январалда Парижалда кIиго чияс «Шарли Эбдо» абураб журналалъул редакциялда чIвана 12 чи.
Гьеб тIадекIанциялъул жавабчилъи жиндего тIаде босана «Гарабиялъул бащдабчIинкIиялъиялда Аль-Каида» абураб гIуцIиялъ.