Дагъистаналдаса машгьурав диссидент Вазиф Мейланов хвана МахIачхъалаялда 11 январалда. СССРалдаго Мейлановасул цIар тIибитIана академик Сахаровасул рахъ ккун митингалде вахъараб мехалда.
Мейланов гьавуна 1940 соналда. Дагъистаналъул Пачалихъияб политехникияб Институталда хIалтIулеб мехалда 1977 соналда гьес хъвана коммунизм какараб кIудияб макъала.
Милициялъ гьев ккуна 1980 соналда «Идеябазда данде къеркьей милициялъ гуреб идеяз гьабизе ккола», - ян хъвараб игIлангун пикеталде вахъараб мехалда.
Туснахъалъуса гьев эркен гьавуна 1988 соналда. Гьелдса хадубги Россиялда бугеб низамалъе критика гьабураб гIелмияб чанги хIалтIи хъвана гьес. Мейланов вукъана МахIачхъалаялда ругел хабзалалъ.