Россиялъул президент Владимир Путиница гъулбас лъун буго къватIисел улкабаздаса гIолилазе Россиялъул армиялда хъулухъ гьабизе изну кьолеб къануналда гъоркь. 2 январалдаса нахъе гьелъ рес кьолеб буго 18-30 сон барал къватIисел улкабазул гражданазе Россиялъул армиялда, жанисел ишазул министерлъиялъул аскаразда ва цIа свинабулезул хъулухъазда, щуго сонилаб контрактги хъван, хъулухъ гьабизе.
Гьелги рукIине кколел руго гIурус мацIги лъалел туснахъазда жанирги тIамун рукIинчIел гIадамал.
ГьанжелъизегIан Россиялъул армиялда хъулухъ гьабулел рукIарал къватIисел улкабазул гражданаз гьеб тIубалеб букIана жиде-жидер улкабазда, масала Армениялда, Таджикистаналда, Молдовалда ва цоги Совет Союзалде гъорлъе унел рукIарал территориязда ругел Россиялъул рагъулал базабазда.