НурмухIамадов Мурадил ишалда сверун диванханаялъул процесс щуго къоялъ нахъбахъун буго. Низам цIунулез жидерго гьеб хIукму бичIчIинабуна НурмухIамадовас такъсир гьабиялъул хIужаби жеги ракIарун лъугIун гьечIолъиялда.
31 декабралда кодоб кьвагьулеб алат батунин абун ккурав НурмухIамадовасда гIунтIизабулеб буго «Дагъистаниязул ЦIияб соналдехун бербалагьи» абураб видео бахъиялъул ва интернеталдасан гьеб тIибитIизабиялъул гIайиб. Гьеб видеоялда батIи-батIиял рухIиял ва жамгIиял церехъабаз гIадамал ахIулел руго чияраб байрамалдаса инкар гьабизе. Амма гьеб видео бахъаралдаса лъабго сон анин ва гьелъие гIоло гьев ккун вукIаравани цогидаздеги ирга щвезе букIанин рикIкIунеб буго НурмухIамадовасул лъади Наиляца. ГьабсагIат НурмухIамадов Мурад туснахъ гьавун вуго МахIачхъалаялъул заманалъул туснахъалда.