Европаялда хIинкъи гьечIолъи цIуниялъул ва цадахъ рекъон хIалтIи гьабиялъул гIуцIиялъ лъазабуна 15 январь щвелалде Украиналда ругел жиндирго тохалчагIазул къадар цIикIкIинабизе бугин.
Гьанже гьенив вукIине вугин 500-гIан тохалчи, ян абуна гьатIан къоялъ журналистазде рехсараб гIуцIиялъул вакил Майкл Боцюркивица. ГьабсагIат гьенив вуго 250 тохалчи.
Украиналъул Луганск икълималда халат бахъунеб буго хIукуматалъул аскариязда ва сепаратистазда гьоркьоб шамат къоялъ багъарараб кьал. Къурбаназул хIакъалъулъ информация гьечIо.