Цолъарал Штатазул ва НАТОялъул рагъулаб операция формалияб къагIидаялда рагIалде бахъиналда бан хасаб церемония тIобитIана гьатIан къоялда Кабулалда.
Афгъанистаналда хIинкъигьечIолъи чIезабиялъе квербакъи гьабулел халкъаздагьоркьосел къуватазул (ISAF) нухмалъулев Джон Кэмпбеллица жемана хъахIабгун гIурччинаб байрахъ ва рагьана улкаялда хIинкъигьечIолъи цIуни тIаде босарал Афгъанистаналъул къуватиял структурабазе кумек гьабиялъул гIуцIиялъул байрахъ.
«РакI чIараб квербакъи» абураб цIиял масъалаби цере лъураб къокъаялда гIахьаллъизе вуго къватIисел пачалихъазул 14 азаргоялде гIунтIун, аслияб къагIидаялда америкаялъул, рагъулал. 2010 соналда Афгъанистаналда Цолъарал Штатазул ва гьезул партнеразул вукIана 140 азарго рагъулав.