Евро ва доллар иргадулаб нухалда багьалъун руго итни къоялда Москваялъул биржаялда букIараб дарамалда. Евро багьалъул буго 73 гъурщидасаги, долларалъухъ кьолеб букIун буго 59-ялде гIунтIун гъурущ.
Россиялъул гъурущ иргадулаб нухалда учузлъи хурхинабулеб буго Brent абулеб тайпаялъул нарт учузлъиялда. Гьанже гьелъул баррелалъухъ кьолеб буго 61 доллар. Гьединго гъурущ учузлъи хурхинабулеб буго Россиялъ Крымалъе аннексия гьабиялда ва Украиналъул конфликталда Россиялъул гIахьаллъи букIиналда бан Магърибалъ гьелде данде гьарурал санкцияздаги.