Босниялда официалияб къагидаялъ рагъулаб такъсирчилъиялъул гIайиб гIунтIизабун буго сербазул 15 полициялъулазде ва аскариязде. Щаклъи буго 1992-95 соназда гьениб букIараб рагъул заманалда гьез Приедор абулеб шагьаралъул сверухълъиялда 150 ракълилав бусурбанчи чIваялда, талавурлъи ва хал гьабиялда.
ЦIех-рехчагIазул баяналда рекъон гьел гIадамаз чIечIого тIадекIанциял гьарулаан Босниязул бусурбабазде Зечови абулеб росулъ. Дол соназ гьеб росдал нус-нус бусурбанчи витIун вукIана хасал мархьабазде. АнцI-анцI жаназа хадуб батун буго гIаммаб лахIтуялъуб.