«Росатом» идараялъ Гьиндустаналъулгун къотIи-къай гьабуна 20 соналда жаниб гьениб 12 атомияб станция баялда хурхараб.
Гьадин лъазабуна гьеб пачалихъияб корпорациялъул бетIер Сергей Кириенкоца.
Рехсараб къотIи-каялда гъоркь гъулбасал лъун руго Россиялъул президент Владимир Путин Гьиндустаналде вачIараб къоялъ. Гьесдаго цадахъ гьениб сапар бухьулеб буго Россиялъ аннексия гьабураб Крымалъул бетIерлъун лъазавурав Сергей Аксеновас.
Гьес бизнесчагIазулгун гьанир тIоритIана формалиял гурел кIалъа-басаял. Рейтер агентлъиялъ абулеб буго гьелдалъун Цолъарал Штатазул ццим бахъизе бегьулин Гьиндустаналъул тIадтаразда.