Къадировас абула «Чачанлъиялда яргъидгIуцIараз нагагь полицияв яги цоги чи чIвани гьев яргъидгIуцIарасул хъизан хъамизе буго республикаялдаса нахъе тIадруссине изнуги кьечIого, гьезул рукъги кьочIодасан биххизе ккола»,-ян.
Гьел рагIабазул Чачанлъиялъе ва Россиялъе кинаб асар букIине бугебали бицунеб букIана жакъа Москваялда тIобитIараб пресс-конференциялда гьелъул гIахьалчагIаз:
- Светлана Ганнушкина, «Гражданское содействие» комитеталъул бетIер
- Игорь Каляпин, «Зулмуялде данде Комитеталъул» бетIер
- Елена Милашина, «Новая газетаялъул» хасай мухбир
- Александр Черкасов, инсанасул ихтияр цIуниялда сверун центр «Мемориалалъул» бетIер
- Татьяна Локшина, «Human Rights Watchалъул» Россиялда бугеб бутIаялъул директор.
Гьеб пресс-конференция гьабизе теларин лъугьун рукIана Къадиров Рамзанил рахъ кколел. Гьез хIалбихьулеб букIана докладалгун кIалъалезда ханал речIчIизе ва гьезде къваригIел гьечIел жал абизе. (видеоялда: 23 мин. 50 сек.)