Россиялъул юстициялъул министерлъиялъ иргадулаб гуреб хал кквей гьабулеб буго «Инсанасул ихтияразе гIоло» абулеб гIуцIи къватIисел улкабазул агентлъун рикIкIине гIоло. Гьадин лъазабуна шамат къоялъ гьелъул бетIер Лев Пономаревас.
Гьесул рагIабазда рекъон гьеб хал кквей гьабун буго Генералияб Прокуратуроялъул тIалабалда.
Лев Пономаревасул пикруялда кинабгIаги кьучI геьчIин жинца нухмалъи гьабулеб гIуцIи къватIисел улкабазул агентлъун рикIкIине. Щай гурелъул гьабсагIат гьеб багъа-бачариялъ жиндирго хIалтIи гьабулеб буго Россиялъул гранталдаса пайда босун.