Европаялъул космикияб агентлъиялъ «Филе» абураб жиндирго робот-зонд чIезабуна Чурюмовгун Герасименкол кометаялда тIад.
Амма гьелъул якоралъул системаялъул проблемабаз квал-квал гьабизе бегьулин церелъурал масъалаби тIуразаризейин рикIкIунб буго специалистаз.
Аппарат рештIун буго кометаялде «Розетта» абураб космикияб зондалдаса батIалъун анкьго сагIаталдаса. Европаялъул космикияб агентлъиялъ лъазабуна, гьеб хIужжа инсанияталъе кколин «кIудияб галийин».
NASA абураб Цолъарал Штатазул космикияб агентлъиялъги лъазабуна космос лъазабиялъул сфераялда гьеб лъугьа-бахъин кколин кIудияб бергьенлъийин.
100 килограммалъул цIай бугеб робот кометаялда тIад щулалъизабулеб система квеш хIалтIиялъе гIоло аппарат къваригIараб рахъалде тIубанго сверун гьечIо. Гьедин букIаниги, гьелъ рештIарабго ракьалде битIун буго тIоцебесеб сурат.
«Роззетаялдаса» бахъараб суратазда бихьулеб буго кометаялъул фрагмент. «Розетта» кометаялде аскIобе боржун буго анцIго соналъ.