Шамат къоялда Харьковалдаса Нидерландазде боржана Украиналъул территориялда тIад 17 июлалда бортизабураб Малайзиялъул «Боингалда» тIад рукIаразул жаназабазул хутIелалгун аэроплан. Гьелгун къо-лъикI гьабиялъул церемониялда вукIана Нидерландазул къватIисел ишазул министр Берт Кундерсги. Гьеб катастрофаялда хварав 298 чиясда гьоркьосан 193-яв вукIун вуго Нидерландаздаса.
Кундерсица гьениб загьир гьабуна хварал киназулго хутIелал экспертазда ратиялда жиндирго бугеб хьул ва абуна гьенир рагъулал ишал унел рукIиналъ жиндир гьеб хьул тIабаялда кIудияб щаклъи бугин. Украиналда рекъел чIезабун гурони хваразул хутIелал ратиялда божи гьечIо Кундерсил.
Катастрофа ккараб бакIалда ратизе кIолел гьечIо ичIго чиясул хутIелал.