Жинцаго жибго Донецкалъул халкъияб республикалъун лъазабураб гIуцIиялъул премьер-министр Александр Захарченкоца лъазабуна хамис къоялда жидерго контролалде гъоркье Донбассалъул чанго шагьар босиялъул планазул ва гьелдалъун рукIине бегьулел захIматал тунка-гIусиязул хIакъалъулъ.
«Краматорск, Мариуполь, Славянск рукIине руго нилъер» - ян лъазабуна гьес.
Захарченкоца Киевалде гIайиб гIунтIизабуна Украианалъул машрикъалъул рахъалда рекъелалъул къотIи-къай хвезабиялъул.