Россиялъ аннексия гьабураб Крымалъул администрациялъул бетIер Сергей Аксеновас дурус гьабуна – гьеб бащдабчIинкIиллъиялда хIакъикъаталдаги крымтатарал камулел цо-цо хIужаби рукIанин.
Аммаила, мухIкан гьабуна гьес, гIемераб къадаралда гьел камулел гьечIин. Хасго ункъго гурони татарав тIокIал тIагIун гьечIин.
Араб бакI лъачIого славяналги тIагIунел ругин мех-мехалъ, ян абуна аннексия гьабураб Крымалъул губернаторас хамиз къоялъ Москваялда тIобитIараб пресс-конференциялда.
Гьес гьединго тIаде жубана – цо-цо татарал Сириялде анин рагъда гIахьаллъи гьаби мурадалда. Крым татаразул цIикIкIараб къадар разияб гьечIо Крым Россиялъ аннексия гьабун букIиналдаса.