Донецкалъул аэропорталда аскIоб багъарараб кьалда 12-гIан сепаратист чIван вуго, ян лъазабуна шамат къоялъ Украиналъул Миллияб ХIинкъи гьечIолъи ва улка цIуниялъул Шураялъул пресс-секретарь Андрей Лысенкоца.
Гьесул рагIабазда рекъон гьеб бугин сепаратистазул бищун кIудияб ками 5 сентябрялда маслихIаталъул къотIи-къай гьабуралдаса хадуб.
Лысенкоца гьединго абуна Донецкалъул аэропорт бахъи сепаратистазул аслияб мурад бугин.
Гьединго абулеб буго Украиналъул кIиго рагъулав хъулухъчи чIван вугин, амма тIокIаб мухIканлъи кьолеб гьечIо.
Цолъарал Миллатазул ГIуцIиялъул баяналда рекъон гIаммаб къадаралда Украиналда рагъ багъараралдаса нахъе 3500 чи чIван вуго гьеб улкаялъул машрикъалъул рахъалда.