Цолъарал Штатаз разиго къабул гьабулеб буго Афгъанистаналда президентасул хъулхъиде кIиго кандидатас нухмалъи бикьизе гьабураб къотIи. Араб анкьалда гьез гъулбас лъураб къотIи-къаялда рекъон, Афгъанистаналъул цIияв президентлъун вахъунев вуго цеве финансазул министрлъун вукIарав Ашраф Гъани. КъватIисел ишазул министрлъун вукIарав ГIабдулла ГIабдуллае къолеб буго тIадегIанаб хъулухъ. Гьеб гIуцIизе буго афгъанистаналъул нухмалъиялда.
ГьатIан къоялда Афгъанистаналъул рищиязул лъидаго бачIеб комиссиялъ исана июнь моцIалда тIоритIарал президентасул рищиязул кIиабилеб туралда бергьаравлъун лъазавун вукIана Ашраф Гъани. Амма кинав кандидатасе гьаркьазул кигIанасеб процент щварабали комиссиялъ абун букIинчIо.
Гьеб лъазаби гьабилалде цебе улкаялда унеб букIана гьаркьал рикIкIиялъул халатаб процесс. ГIабдуллаца лъазабун букIана рищиязда рекIкI гьабун жив къуравлъун лъазавун вугин. Гьелдаса хадуб, Цолъарал Миллатазул ГIуцIиялъул тохаллъиялда гъоркь рищиязда кьурал гьаркьал цIидасан рикIкIун рукIана.
Нью-Йоркалда Цолъарал Миллатазул ГIуцIиялъул ХIинкъигьечIолъи цIуниялъул Щураялъ лъазабуна афгъанистаналъул цIияб хIукуматгун хIалтIизе жал хIадурал ругин.