Донецк обаласталда, Дебальцево шагьаралда аскIобехун ккарал тунка-гIусиязда лъукъун вуго Украиналъул 20 рагъулав, хваразул хIакъалъулъ информация гьечIо.
Гьелъул хIакъалъулъ лъазабулеб буго УНИАН агентлъиялъ. Гьелда цебе лъазабулеб букIана гьеб шагьаралда аскIорехун Украиналъул рагъулал сверун ккун рукIанин.
Мариуполалда аскIоб рузман къоялъул богода кьвагьдун руго Украиналъул блок-постазде.
Миллияб хIинкъигьечIолъиялъул ва улка цIуниялъул мажлисалъул лъазабиялда рекъон, цебесеб сордилъ чIван вуго 20 сепаратист ва кьвагьизабун буго «Град» абураб система.