Пачалихъияб Думаялъул депутатаз ахIи балеб буго композитор ва кочIохъан Андрей Макаревич киналго хIурматиял цIараздаса ва орденалдаса махIрум гьавиялде. Гьелъул хIакъалъулъ хъвалеб буго «Известия» газеталъ.
«Единая Россиялдаса» гьединаб инициатива загьир гьабун буго Евгений Федоровас. Гьес Макаревичида гIайиб гIунтIизабуна хиянатчилъиялъул , Россиялде данде пропагандаялъул ва фашистазулгун гьоркьорлоъаби гIуцIиялъул.
Араб анкьалда Макаревичил гастролал тIоритIана Донбассалда. Гьев цеве вахъун вукIана Киевалъул контролалда гъоркь бугеб Святогорскалда. Россиялъул цо-цо жамгIиял хIаракатчагIаз лъазабуна, Макаревичица Россилде данде галаби гьарулел ругин.