Украиналъул социалияб политикаялъул министр Денисова Людмилаца жиндирго буюриялда гъоркь гъулбасги лъун, БагIараб Хъанч абулеб Халкъаздагьоркьосеб Комитеталъул юк гуманитарияб кумеклъун къабул гьабуна.
Гьадин лъазабулеб буго УНИАН агентлъиялъ рехсараб министерлъиялъул баяналда мугъ чIвай гьабун.
Украиналъ ва Россиялъ къотIи гьабун буго бачунеб гуманитарияб конвоялъул тIубараб хал-кквей гьабиялда хурхун. 16 августалда Украиналъул социалияб политикаялъул министерлъиялде бачIун буго гуманитариял нигIматазул сияхI.
Гьеб сияхIалда гъоркь гъулбасана Россиялда, Белоруссиялда ва Молдоваялда БагIараб Хъанч абулеб Халкъаздагьоркьосеб Комитеталъул регионалияб делегациялъул бетIерас.