ГIиракъалда суннитазул къукъабаз жидерго квербакъи загьирабуна цIияв премьер-министр Айдар аль-Абадие ва тIаде жубана, цо-цо шартIал тIуразаруни, хасго – сунитазул хIурмат гьабуни,жал хIадурал ругин хIукуматалъул аскарияздаго цадахъ «ГIиракъалъул ва Леванталъул Исламияб пачалихъ» абулеб багъа-бачариялъул къеркьохъаназде данде рагъ бачине.
Хасго гьадин абуна асар кIудияв сунитазул хIаракатчи Хатем Сулайманица.
2006-2009 соназда сунитазул гIуцIабаз америкалъул аскариязе квербакъи гьабулеб букIана ГIиракъалда, ва гьелъул хIасилалда гьенир рукIарал Аль-КъагIидаялъул къукъабазул хIаракатчилъи загIиплъана.