Араб соналъул августалда Мисралда демонстрантазул нус-нус чи чIвай инсанияталде данде гьабураб такъсир бугин лъазабулеб буго инсанасул ихтиярал цIунулеб Human Rights Watch идараялъ.
Гьелъул докладалда абулеб буго нахъе рехарав президент МухIамад Мурсил рахъккун демонстрациялде рахъаразул азаргогIан чи хванин гъоркьиса 14 августалда Каиралдайин.
Гьениб бицен гьабулеб буго Мисралъул гьанжесев президент ГIабдул ПатахI-ас-Сисил буюриялда рекъон Каиралда чIварал гIадамазул.
Мисралъул нухмалъиялъ гьеб докладалда бицунеб нахъчIвалеб буго хIакъикъаталде данде кколаребин абун.