Цолъарал Миллатазул ГIуцIиялда цебе бугеб ТIурун чIаразул суалазул рахъалъан идараялъ Украиналде буссун, гьарулеб буго улкаялда жанир цо бакIалдаса цогидал бакIазде лъутун арал ва гочарал гIадамал хIисаб гьабиялъул система гIуцIеян абун.
Рехсараб идараялъул баяналда рекъон Украиналъул машрикъалъул рахъалдаса 117 азаргогIан чи лъуутун ана къватIивехун. 15 200 чияс Крым тана. Гьеб гуребги Украиналъул 168 азаргогIан чияс Россиялъул Федералияб Миграционияб хъулухъалде вуссун, изну гьарулеб буго Россиялда чIей гьабизе.
Россиялъул тIадтаразул рикIкIеналда рекъон исана сон байбихьаралдаса гьениве виза гьечIеб низам хIалтIизабун, 730 азаргогIан чи вачIун вуго.