Дунялалъул ТIоцебесеб рагъ байбихьаралдаса нусго сон тIубаялда хурхараб тадбир байбихьана итни къоялъ Бельгиялъул Льеж шагьаралда.
Гьеб рагьулагог Бельгиялъул премьер-министр Элио Ди Рупоица абуна доб рагъда хварав миллион-миллион чи кIочон тезе бегьуларин ва гьединаб балагь цебеккунго нахъ чIвазелъун халкъаздагьоркьосеб рекъон хIалтIи гьабиялъе жеги кIудияб кIвар кьезе кколин.
Тадбиралде рачIана Германиялъул, Франциялъул, Албаниялъул, Армениялъул, Австриялъул, Болгариялъул, Ирландиялъул, Мальтаялъул, Черногориялъул, Румыниялъул ва Сербиялъул президентал, Кембриджалъул герцог Уильям ва гьесул лъади Кейт, Испаниялъул къирал Фелипе Анлъабилев ва цогидал.