Итни къоялда Цолъарал Штатазул президент Барак Обамаца ва Европаялъул улкабазул лидераз тIобитIараб телефоналъул конференциялда гьоркьоб лъун буго Украиналда лъугьа-бахъунелда хурхун Россиялъул Федерациялде данде гьарулел санкцияби къвакIиязариялъул суал. Гьел санкцияби хIалтIизаризе байбихьизе бегьула гьаб анкьалда. Россия гьединго махIрум гьабизе бегьула Европаялъул капиталалъул базаралдасаги.