Европаялда рекъонхIалтIиялда ва хIинкъигьечIолъи цIуниялда сверун идараялъ инкар гьабун буго Донецкалде гъоркьехун Малайзиялъул лайнер бортараб бакIалде жидерго тохалчагIи-полициял ритIизе. Гьелъие гIиллалъун ккун буго гьеб мухъалда цIидасан рагъал байбихьи. Цебе лъазабулеб букIана Малайзиялда бажарун бугин Россиялъул рахъ ккурал сепаратисталгун лайнер бортараб бакIал цIунизе халкъаздагьоркьосел полициял ритIиялда хурхун къотIи гьабизейин. Малайзиялъул премьер-министрасул офисалъ лъазабулеб букIана 17 июлалда «Боинг-777» бортараб бакIалде полициязул къукъа битIиялъул къотIи гьатIан къоялъ къуваталде лъугьунин. Гьеб къотIи гьабун букIун буго сепаратистазул лидер Александр Бородайгун. Цебе гьес кьун рукIана малайзиялъул рахъалъухъе лайнер бортараб бакIалда ратарал «чIегIерал къалиял».
Магърибалъул журналистаз лъазабулеб буго голландиялъул полициязул гьитIинаб къукъа гуллица рорлъурал автомашиназдаги рекIун гьеб бакIалде анилан.