Жалго жидецаго лъиданиги чIараллъун лъазарурал Донецкалъул ва Луганскалъул халкъиялилан абурал пуланал республикабазул вакилзаби разилъана Украиналъул президент Петр Порошенкол планалъе квербакъи гьабизе гьес Миллияб Гвардиялъул къуватал Донбассалдаса нахъе рачанани.
27 июнялъул сардилъ Донецкалда сепаратистаз гранатаби ва минаби речIчIулел алатаздаса кьвагьдей гьабуна Украиналъул аскариязул балагьутIа-бакIазде. Сардилъ Краматорск шагьаралъул аэродромалдаги кьвагьи рагIулеб букIана.