Ордоналъул диваналъ ритIухъ гьавун вуго бусурбабазул радикалияв рухIияв цевехъан Абу Катаду. Гьесде гIунтIизабулеб гIайиблъун букIун буго I998 соналда Амманалда бугеб америкалъул мактабалде гьужум хIадур гьабиялъул гIайиб.
Хамиз къоялъ диваналда рукIкIарал гIенеккиязда лъазабун бугоан гьелъие далилал ратун гьечIин. Аммаила, лъазабун буго Катаду эркенлъуде виччазе гьечIин цогидаб хIукму диваналъ гьабизегIан.
Гьеб хурхараб буго 1999 соналда гьесда чIвараб терроризмалда хурхараб гIайибалда. Доб соналъ диваналъ къотIи гьабун букIана гьев гIумруялъго жаниве тIамизе. Жинде гIунтIизарулел щинал гIайибал Катадуца нахъ чIвалел руго. ГьабсагIат гьеб иш цIидахъан гьоркьоб лъун буго.