Афгъанистаналъул президентасул хъулухъалде кандидатасул божилъи хун буго рищиязул комиссиялде

Араб шамат къоялда гьаркьал кьеялъул кIиабилеб туралда рищиязда къанунал хвезариялъул хIакъалъулъ информация щун хадуб, арбагI къоялда Афгъанистаналъул президентасул хъулухъалде кандидатазул цояв ГIабдула ГIабдулаца тIалаб гьабуна гьаркьал рикIкIин чIезаби.

Гьесул рагIабазда, гьесул божилъи гьечIо Лъиданиги бачIеб рищиязул комиссиялда.

Гьес буюри кьун буго жиндир интресал цIунулел тохIалчагIазе гьаркьал рикIкIунел бакIаздаса нахъе иналъул.

КъватIисел ишазул министрлъун вукIарав ГIабдулаца абулеб буго рищиязул система хIалтIулеб бугин гьесул конкурент, цеве финансазул министрлъун вукIарав Ашраф Гъание пайдагунин. Амма рищиязул комиссиялъ лъазабуна гьаркьал рикIкIин халат бахъинабизе бугин.