Сириялда Гьомсалдаса лъутун вукIарав нус-нус чи тIадвуссун вуго Басрияб шагьаралъул авалалде. Гьебги ахирисеб кIигогIан соналда жаниб тIоцебесеб нухалда. Гьелъие рес щун буго хIукуматалда ва гьезде дандечIей гьабулел къуватазда гьоркьор рукIарал кIалъа-ралъаязда къотIиял гьариялъ. Гьезда рекъон, Башар Ассадил режималде данде ругез Гьомс тезе кколеб букIана. Гьезул ахирисеб автоколоннаялъ шагьар тун букIана 9 маялда. Гьезул бакIалде рачIун руго пачалихъиял аскарал ва гьез гьеб территориялъул хал гьабун буго минаби яги цоги кьвагьулел алатал ругищали.
Гьомс провинциялъул губернаторас SANA агентлъиялъе лъазабун буго хIукуматалъе дандечIей гьабулел рукIараз ккун рукIарал авалал гьанже эркен гьарун ругин ва гьениб гIумру гьабизе хIинкъи гьечIин.
Гьомс провинциялъул губернаторас SANA агентлъиялъе лъазабун буго хIукуматалъе дандечIей гьабулел рукIараз ккун рукIарал авалал гьанже эркен гьарун ругин ва гьениб гIумру гьабизе хIинкъи гьечIин.